《萬千星輝頒獎典禮2016》女星衣著逐個睇

一年一度嘅《萬千星輝頒獎典禮2016》噚晚完美落幕啦！一班花旦小生都悉心打扮，對一眾女星嚟講，有獎攞固然開心，但係喺典禮當晚鬥靚，成功突圍而出都好重要架。今年究竟邊個著得最搏同最靚呢？

胡定欣
黑色戰衣Deep V落到肚臍，好明顯係要大騷身材。由於胡定欣成日健身，所以條連身裙將佢啲完美線條表露無遺。

王君馨
王君馨明明擁有完美曲線，但條連身裙完全係自暴其短，將佢粗大嘅大腿及結實嘅小腿表露無遺。佢下次選衣服嘅時候，真係要注意一下啦。

唐詩詠
穿上一條肉色低胸拖尾晚裝裙嘅唐詩詠，再配戴上50萬珠寶，有種高貴嘅感覺。

朱千雪
以一身公主裙示人，白色透視樽領長裙再以人手砌上一萬粒珠喺裙上，相當搶鏡。

龔嘉欣
一色金色透視露背晚裝現身，真空上陣，下身高叉大騷美腿，好有土豪風。

黃翠如
翠如bb以白色晚裝現身，少少性感而不失高貴。

蔡思貝
蔡思貝罕有地大騷身材，雖然身材唔算十分搶眼。但不得不承認，佢依條裙真係揀得好好，水晶上半身再加彩藍色嘅裙，同紅地氈有一個強烈對比，真係好吸引。

李佳芯
Ali以黑色樽領上衣再配上透視裙，雖然透視設計係想突顯對美腿，但睇起來毫無美感。

劉佩玥
穿上Deep V大露背晚裝露出4吋事業線，似乎係想一改乖乖女嘅形象。

陳凱琳
激瘦陳凱琳一身火紅Deep V晚裝大騷「微波」身材，好可惜火紅裙跟紅地氈撞晒色。

黃心穎
心穎bb明明係一個好甜美活潑嘅女仔，但偏偏著左條黑色花紋晚裝，顯得佢老左十年。

黃智雯
又係著到紅噹噹咁，不過Deep V加長袖，再加上一套藍色手飾，真係好奇怪！

麥美恩
麥美恩選紅色作為晚裝主調絕對穩陣之作，雖然沒有太大驚喜同有少少娘，但好彩佢勝在夠年輕有活力，非常適合佢嘅性格。