《與神同行》叫好叫座 瘋傳開拍第三第四集

由河正宇、車太鉉、朱智勳、金香起主演，改編自同名漫畫、耗資400億韓元（2億8,694萬港元）製作嘅電影《與神同行》，無論係韓國、台灣、定係香港都叫好叫座，電影上周起喺香港上映，計埋優先場嘅票房收入已經超過1000萬。

電影透過車太鉉飾演嘅金自鴻因救人意外死亡，死後喺地獄接受七個審判先可以投胎轉世，包括說謊、怠惰、不義、背叛、暴力、殺人、天倫，去帶動觀眾去反思人生。唔少女士睇完都表示自己由頭喊到落尾，亦有男觀眾都話套戲好催淚。整體而言，大部份觀眾都對《與神同行》給予相當高嘅評價。

《與神同行》片尾出現《屍殺列車》中嘅「大隻佬」馬東錫，馬東錫以灶君身份「成造神」現身。除了車太鉉，大部分演員會繼續出演。馬東錫將會喺第二集嘅主線。講述佢為咗保護佢一直守護嘅老爺爺，而同陰間使者爭鬥。另外，3位地獄使者河正宇、朱智勳、李政宰都會繼續現身，會交代佢哋嘅過去及講述佢哋喺地獄救車太鉉細路金東昱飾演嘅金秀鴻。

除咗第二集外，更有人瘋傳會開拍第三、四集，幾時開拍就仲未有消息。不過第二集就已經計劃喺暑假上映。