雅虎香港新聞 大結局若收35點 歐陽震華：芭蕉扇遮面露重要部位
【星島日報報道】無綫劇集《一屋老友記》一眾演員歐陽震華（Bobby）、滕麗名、呂慧儀等相約飯局齊齊睇大結局，不過宣佈跟陳明道分手的胡定欣，正歐遊缺席。
提到大結局若有35點收視，Bobby笑說：「昨日我著套泳衣已經括出去，都唔知點見人，兩晚都瞓唔著，唔好貪得無厭。如果有的話我用芭蕉扇就係遮住塊面，露出重要部位。」他又自爆曾經試過於內地拍劇到荒蕪之地，正當行開一邊小解就有旅行團出現，於是助手即開傘為他遮住重要部位。他搞笑說：「我即刻叫佢用把傘子遮住我塊面，嗰度豪畀佢，起碼唔知我係邊個，助手的層次唔夠我嚟，所以要做我助手囉。」
提到胡定欣甩拖，Bobby就話：「拍拖係過程，唔一定要結婚，揀多幾個穩陣啲。我都拍過好多次拖，但5隻手指數得晒。舊的唔去，新又點嚟？呢啲野係你就係你。」同場的滕麗名，問到可會介紹好男生給定欣？她笑言現時的男仔好搶手，身邊的朋友已排隊，所以要排隊先。Bobby這時突然出現，搶說謂有好多朋友是好男仔，但均已結婚，所以有待離婚才介紹。他更謂：「要問好多人要問我，宣萱、阿佘（佘詩曼），睇下邊個朋友離婚第一時間通知，但如果襯得起又未結婚一��係花花公子。依家時代女性唔一定要老公或男友，單身都好開心，所以有時結咗婚係笨。」講完他又笑笑口彈開。
有老公陪來的呂慧儀謂平時多數由Bobby和阿滕請客，故今次她申請夾錢望出點綿力。對於劇集大結局，她坦言感到不捨，因每日拍攝經常見面，無論戲內戲外像一家人，就算為工作未能收看，返家也會重溫，但現在大結局，覺得好快就播完。提到公司有計劃原班人馬拍攝旅遊特輯，她會跟隊出發，故兒子會交由老公照顧，又謂兒子快將入讀幼兒班，不過開學時一定陪伴，但兒子個性獨立並不擔心。（攝影：羅安強）
